Да сваіх 80-ці гадоў тайскаму манарху атрымалася нажыць багацьцяў на 35 млрд. даляраў ды пакінуць астатніх венканосных асобаў далёка ззаду. Сукупны памер багацьцяў 15 самых заможных манархаў сьвету ўзрос і склаў 131 млрд. даляраў супраць 95 млрд. даляраў летась.
Найбагацейшы манарх у сьвеце нарадзіўся ў ЗША, а адукацыю атрымаў у Швайцарыі. Цікава, што яшчэ летась Рама IX займаў у аналягічным рэйтынгу толькі сьціплае пятае месца. Па вэрсіі таго ж Forbes, тады яно складала 5 млрд. даляраў. Аднак, дзякуючы ўдалым інвэстыцыям у нерухомасьць і, як піша выданьне, «большай празрыстасьці» яго кампаніі Crown Property Holding яму атрымалася вырвацца ў лідэры.
«Срэбра» у сьпісе найбагацейшых манархаў дасталася шэйху Халіфе бэн Заід Аль Нахаяну з Аб'яднаных Арабскіх Эміратаў з памерам у 23 млрд. даляраў. У леташнім рэйтынгу ён таксама займаў другое месца з памерам у 21 млрд. даляраў. Галоўнай крыніцай яго прыбыткаў зьяўляецца, зразумела, экспарт нафты й нафтапрадуктаў. За ім на ганаровым трэцім месцы разьмясціўся кароль Саўдаўскай Арабіі Абдулла ібн Абдэль Азіз Аль Саўд з 21 млрд. даляраў. У параўнаньні зь мінулым годам яго пазыцыя ў рэйтынгу не зьмянілася, а вось памер багацьцяў павялічыўся на 2 млрд. даляраў. Акрамя прыбыткаў ад экспарту нафты яго вялікасьць займаецца прыбытковым бізнэсам па гадоўлі дарагіх парод коней.
Галоўнай сэнсацыяй рэйтынгу стаў правал запіснога трыўмфатара апошніх гадоў 62-летняга султана Брунэя Хассанала Балкіаха, узыйшоўшага на пасад у 1967 году, пасьля таго як яго бацька зрокся ад кароны. За год з-за закрыцьця нафтавых радовішчаў ён страціў каля 2 млрд. даляраў і скаціўся ў рэйтынгу зь першай на чацьвёрты радок. Замыкае пяцёрку самых заможных манархаў міру шэйх Дубая Мухамад бэн Рашыд Аль Мактум, чый памер багацьцяў ацэньваецца ў 18 млрд. даляраў.
Эўрапейскія двары манархаў, якіх у рэйтынгу няшмат, такім памерам грошай на рахунках пакуль могуць толькі пазайздросьціць. Так, якая заняла дванаццаты радок рэйтынгу каралева Вялікай Брытаніі Лізавета II мае ў сваім распараджэньні ўсяго 650 млн. даляраў. А каралеве Нідэрляндаў Бэатрыкс і зусім прыходзіцца «задавольвацца» толькі «сьціплай» сумай у 300 млн. даляраў. Пры гэтым прадстаўнікам каралеўскіх сем'яў Гішпаніі й Японіі ў сьпіс 15 найбагацейшых манархаў сьвету патрапіць не атрымалася.
 |
1. Кароль Пуміпон Адульядэт Рама IX (Тайланд)
Узрост: 80 Багацьце: $35 млрд.
|
 |
2. Шэйх Халіфа бен Заід аль-Нахайян (ААЭ)
Узрост: 60 Багацьце: $23 млрд.
|
 |
3. Кароль Абдала (Саўдаўская Арабія)
Узрост: 84 Багацьце: $21 млрд.
|
 |
4. Султан Хаджы Хасанал Балкіах (Брунэй)
Узрост: 62 Багацьце: $20 млрд.
|
 |
5. Шэйх Мухамад Бэн Рашыд аль-Мактум (Дубай)
Узрост: 58 Багацьце: $18 млрд.
|
 |
6. Князь Ханс-Адам II (Ліхтэнштайн)
Узрост: 63 Багацьце: $5 млрд.
|
 |
7. Эмір Хамад Бэн Халіфэ аль-Тані (Катар)
Узрост: 56 Багацьце: $2 млрд.
|
 |
8. Кароль Мухамад VI (Марока)
Узрост: 46 Багацьце: $1,5 млрд.
|
 |
9. Князь Альбэрт II (Манака)
Узрост: 50 Багацьце: $1,4 млрд.
|
 |
10. Султан Кабус Бэн Саід аль-Саід (Аман)
Узрост: 67 Багацьце: $1,1 млрд.
|
 |
11. Прынц Карым аль-Хусэйні Ага Хан IV (Ага Хан)
Узрост: 71 Багацьце: $1 млрд.
|
 |
12. Каралева Лізавета (Велікая Брытанія)
Узрост: 82 Багацьце: $650 млн.
|
 |
13. Шэйх Сабах аль-Ахмад аль-Сабах (Кувэйт)
Узрост: 79 Багацьце: $500 млн.
|
 |
14. Каралева Бэатрыкс (Нідэрлянды)
Узрост: 70 Багацьце: $300 млн.
|
 |
15. Кароль Мсваты III (Свазілэнд)
Узрост: 40 Багацьце: $200 млн.
|
RSS-стужка