28-ha sakawika 2008 h. upierszyniu na terytoryi byłoha SSSR adbyłasia prezentacyja fundamentalnaj pracy, katalickaha filozafa, profesara, monarchista dr.Plinio Correa de Oliveira.

Na prezentacyi prysutniczała kala 20 asobaŭ. Na paczatku byŭ pakazany bijagraficzny film ab doktary Plinio, zrobleny TFP (Tradition-Family-Property). Paśla tłumacz knihi, redaktar gazety "Litwa" A.Stralcoŭ-Karwacki ŭ ahulnych rysach pradstawiŭ intelektualny instrumentaryj dr.Plinio, zhodna z jakim usie rewalucyi padzialajucca na 4 isnujuczyja typy:

1.protestanckaja
2.francuskaja
3.bolszewickaja
4.antymoralnaja.

Pawodle acency A.Stralcowa-Karwackaha zhodna z dr.Plinio aktualnyja politycznyja siły ŭ Biełarusi reprezentujuć adpawiedna: ułada - 3 rewalucyju, a opozycyja - 4 rewalucyju.

Adpawiedna siły ułady najbolsz skirawany na niszczeńnie instytutu prywatnaj ulasnaści, a siły opozycyi nażal na niszczeńnie instytutu siamji ŭ swaich filazofskich padstawach. Majecca na ŭwazie nieakreślenaje staŭleńnie lideraŭ opozycyi pa pytańniach homosuwiaziaŭ, razwodaŭ i abortaŭ.

Udzielniki zadawali szmat pytańniaŭ, asnoŭnaja masa jakich była skancentrawana wakoł temy sacyjalnaj sprawiadliwaści ŭ daczynieńniach prosty sielanin (hramadzianin) i pan. Widawocznymi byli sacyjalnyja kompleksy, jakija da siońnia niszczuc naszu nacyjanalnuju świadomaść. Biez ich pieraadoleńnia niemażliwa kazać ab pabudowie monarchicznaha ładu i
siońniaszniaja ŭłada wyhladaje na ich tle całkam naturalna.